اكـبـر قـهـر ..

زائر

هذي قصيدة عجبتني قلت خليني أنقلهاا لكم
وأتمنى تنآل إعجآبكـــم[url=http://www.bdr130.net/vb/t755294.html][/url]

اكبر قهر لاضاعت اسنينك هدر
تتبع سحاب وتنصدم انه سـراب

واصعب امر تصلح فؤاد(ن) منكسر
وتحيي جروحه وتحتضر روحه عذاب

شين عسر تبني جسر هده دهر
تجري نهر فوق الصحاري والخراب

تحيي قبر تبذر به اورود وزهر
ماله امل دامه رحل من غير اياب

وانـا فـؤادي مثـل حـالـه هـالـقــبـر
ارض(ن) قفر ماذاقت امطار السحاب

والقايد الي عاش عمره منتصر
يموت حسره لو تعـرض لأنقلاب

معـذور لو حتى تهور وانتحر
والموت ارحم من حياة الأكتئاب

وانا مثل هالقايد الي انغـدر
طعنة ظهـر جتني من الناس القراب

لاواعذابي يوم حلمي اندمر
يوم الأمل في خلي تلاشى وخاب

يومه جفى ولا أكتفى ظلم وهجـر
فتـح لقلبي للحزن الـفين باب

يومي اجوع ويبـخل بحبـة تمر
والريق يابـس ماسقى قطرة شراب

كلن قضى مع صاحبه وقتن يسر
وانا قضيت العمر كله بأغتـراب

كلن سمـع من صاحبه كلمة شكر
بس ماسمعت الا الملامه والعتاب

كلن سهـر مع صاحبه ليلة عمر
وانا اعاني من سهر ليل الغياب

كلن سهر لين مايضوي الفجر
اسهر مع النجمه واجاذبها الخطاب

واطرح سؤالي بلهجة الي مضطجر
اللي غزاه الشك وزود الأرتياب

يانجمتي وين القمر ماله نظر؟؟
وينه مجافي مختفي خلف الضباب؟؟

يانجمتي ردي غدت كبدي جمر
ماعاد فيني اصبر هاتي الجواب

وينه رحل عن قلبي اعوام وعمر
وينه نساني ماضرب لي اي حساب

وينه تركني غارق بموج البحر
وحدي اصارع هالعواصف والصعاب

اغلط عليها ثم ارجع واعتذر
واقول اسف لو تجاوزت الصواب

حتى الحجر يومه استمع مني شعر
داخ الصخر حتى انفجر دهشه وذاب

والغيم ناح وهلت دموعه مطر
والكون برق وارتعد واطلق شهاب

والطير مع حرفي ذرف دمعه كدر
صفق بجنحانه وبكى في كل غاب

بنهي القصيده في كلام(ن) مختصر
كل شي بالدنيا له ذم او ثواب

الظالم الله يمهله وقت ودهر
يحصى ذنوبه كلها داخل كتاب

ثم ياخذه اخذة عزيز(ن) مقتدر
ينزل عليه الذل واصنوف العقاب

وان كان خلي خان باحساسي وغدر
هذا نصيبي وحظ عمري والقدر
آمنت في ربي ورسوله ولكتاب